Link açıqlığı

Keriç çıqışı yollardaki tamir işlerinden sebep blok etilgen


Keriç yolları

Keriçte noyabr 29-da tamir işlerinden sebep şeerden Aqmescitke qadar şeerlerara yolğa alıp ketken yol areketi vaqtınca sıñırlandı. Neticede Keriç etraflarında naqliyat areketi zorlaştı, yollarda tıqanıqlıqlar peyda oldı, dep bildire Qırım.Aqiqat mühbiri.

Yollarda şeer naqliyatınen beraber parom keçitinden işğal etilgen Qırımnıñ şeer ve qasabalarına ketken yük maşinaları da yüre.

Çoq sayıda maşina areketi içün belgilenmegen aylanma yolunda tıqanıqlıqlar eksilmey, dep bildire aydavcılar.

Çkalov soqağınıñ soñundaki çaprazda tıqanıqlıqlar bitmey. Al-azırda bu çaprazdan parom keçitinden kelgen em yolcu, em yük naqliyatı ve şahsiy maşinalar keçe. Yerli maşinalar, Keriç yolcu naqliyatı, şeerniñ acele hızmetleri maşinaları da mından keçecek ola.

Yerli kütleviy haber vastaları bildire ki, vaziyet yaqın vaqıtta deñişmez, tamir işleri dekabr 20-ne qadar yekünlenmeycektir.

Kreml kontrol etken Keriç memuriyeti bildirgenine köre, şeer yolları tahminen 400 km teşkil ete, olardan aman-aman 80% naqliyatnıñ teyükesiz areketine uymay ve tamir etilmelidir.

2016 senesi Qırım bücetinden Keriç yollarına 24 mln ruble ayırıldı, faqat, Keriç memurlarınıñ aytqanına köre, yollarnıñ vaziyeti köz ögüne alınsa, ve «içtimaiy kerginlik yoq olsun isteseler», 550 mln ruble kerektir.


XS
SM
MD
LG