Link açıqlığı

Aliye Degermenci Qırım ile memuriy sıñırda yaqalanğanını tafsilâtlıca añlattı


Aliye Degermenci

Aliye Degermenci, «fevral 26 davası» boyunca yaqalanğan Mustafa Degermenciniñ anası, noyabr 29-da Çonğar kiriş noqtasında Rusiye sıñırcıları tarafından eki saatke subetke yaqalanğan edi. Bunı tafsilâtlıca Qırım.Aqiqatqa aydınlattı.

Aliyeniñ aytqanına köre, oña pasport malümatları, telefon nomerası ve soñki bağları aqqında umumiy sualler berildi.

«Kyivde qızımnı ziyaret etip qayta edim. Pasport kontrolinde pasportnı alıp, subetke keçecegimni ayttılar. Mahkemenen bağlı olğanını tüşündim, bugün Mustafanıñ mahkemesi bar. Umumiy sualler berildi, qayda ve ne maqsadnen bardım. Arbiy tehnikanı kördimmi-yoqmı soradılar. 2 saat 20 daqqa tuttılar», – dep tarif etti Aliye Degermenci.

O, noyabr 27-de Kyivde olıp keçken kontsertten sebep yaqalanğanını tahmin ete.

«Olar (Rusiye sıñırcıları – QA) bir daa çıqmasın istediler, er alda», – dep qayd etti Degermenci.

Ukraina Tışqı işler nazirligi işğal etilgen Qırımda Ukraina vatandaşlarınıñ taqip etilmesiden qasevetlengenini bildirip, basqılarnı toqtatmağa çağırdı. TİN halqara toplulıqqa muracaat etip, olardan Rusiyeniñ insan aqları ve ifade serbestligine qarşı qullanğan çeşit türlü totalitar usullarını toqtatması ve ukrain siyasiy mabusları ve reinelerini azat etmesi içün bütün uquqiy ve siyasiy basqı yollarını qullansın istedi.

XS
SM
MD
LG