Kanada daa 15 rusiyeli insannı sanktsiyalar cedveline qoştı, olar arasında Qırımdan Devlet Dumasına keçken deputatlar da bar. Bunı 28 noyabr künü Kanada Tışqı işler nazirliginiñ matbuat-hızmeti bildirdi.
Müessisede qayd ettiler ki, sanktsiyalar «Rusiyege yapılması kerek olğan basqını devam ettirmek içün kerekliler ve olar Rusiye Federatsiyası Ukrainağa nisbetten bütün halqara mecburiyetlerini eda etemeycegine qadar qalacaqlar».
«Bu sanktsiyalar, Rusiye Devlet Dumasına saylavlar Qırımda yaşağan insanlar arasında keçirilgenine cevap olaraq qabul etildi. Kanada, işğal etilgen Qırım yarımadasında keçirilgen bu saylavlarnın qanuniyetini ya da neticelerini qabul etmey, çünki o iç bir vaqıt Ukrainağa ait olğan Qırım Muhtar Cumhuriyetiniñ ve Aqyarnıñ Rusiye tarafından zapt etilmesini qabul etmeycek», – dep qoştılar Kanadanıñ nazirliginde.
Noyabrde qırımlı deputatlarğa qarşı sanktsiyalar AQŞ, Avropa Birligi ve İsveçrede qabul etilgen edi.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
