Qırımda salı künü, noyabr 29-da, Qırımtatar Milliy Meclisiniñ reis muavini Ahtem Çiygoz ve «fevral 26 davasınıñ» mahkemeleri olacaqtır. Bunı Qırımtatar Milliy Qurultayı Merkeziy saylav komissiyasınıñ reisi Zair Smedlâyev Facebookta bildirdi.
«Salı künü, noyabr 29-da, saat 9.30 Pavlenko soq., 2 adresi boyunca Ahtem Çiygoznıñ davası baqılacaq. Saat 13-te Turetskaya soq., 22 adresi boyunca apiste yatqan Ali Asanov ve Mustafa Degermenci ve qabaatlanğan Eskender Kantemirov, Eskender Emirvaliyev, Arsen Yunusovğa nisbeten «fevral 26 davasınıñ» mahkeme oturışı olacaqtır. Keçken toplaşuv Arsen Yunusovnıñ hastalığından sebep 29.11.2016 kününe avuştırılğan edi», – dep bildirdi Smedlâyev.
Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.
Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.
