Link açıqlığı

Saatnıñ esas haberi

Qırımda silâlı quvetler qırımtatarlarnen, «diversantlarnen» ve diniy teşkiâtlarnen oğraşalar – Polozov


Nikolay Polozov ve Qırımtatar Milliy Qurultaynıñ MSK reisi Zair Smedlâyev
Nikolay Polozov ve Qırımtatar Milliy Qurultaynıñ MSK reisi Zair Smedlâyev

İşğal etilgen yarımadada silâlı quvetlerniñ işi içün üç esas yöñeliş bar: qırımtatarlar, din ve diversantlar. Bunı 28 noyabrde Qırım.Aqiqat Radiosınıñ saba efirinde rusiyeli advokat Nikolay Polozov beyan etti.

«Birinci yöñeliş – bu siyaset, bu qırımtatarlarğa qarşı, siyasiy organlarğa, saylav organlarına qarşı küreş. Meclisniñ yasaq etilmesi, «26 fevral» işi, İlmi Umerovğa qarşı iş, Meclis azalarına qarşı, kelecekte cinaiy işlerge çevirile bilecek, bir sıra memuriy işler, bundan qaçınamazsıñ. Bu olacaq. Ekinci yöñeliş – bu diniy, «Hizb ut-Tahrir» ve üçüncisi – bu şpionlar, diversantler aqqında işler. Bu mahsus hızmetlerniñ böyle yeparhiyası», – dep qayd ete Polozov.

İşğalden soñ Qırımda mustaqil mühbirlerde, qırımtatar faallerinde ve Meclis azalarında kütleviy tintüvler sıq-sıq keçirilip başladı. Ukraina Tışqı işler nazirligi (TİN) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi ve basqıncılıqnı toqtatmağa çağırdı. TİN halqara toplulıqqa muracaat etip, Rusiye insan aqları ve ifade serbestligini bozmasın, ukrain siyasiy mabusları ve esirlerini azat etsin dep, oña qarşı bütün uquqiy ve siyasiy basqı usullarını qullansın istedi.

XS
SM
MD
LG