Link açıqlığı

Cemilevniñ oğlunı Ukrainağa ketirdiler – advokat


Hayser Cemilev anası Savinar ve apayı Reşide ile 25 noyabr 2016 senesi

Hayser Cemilevni, qırımtatar halqınıñ lideri Mustafa Cemilevniñ oğlunı, Rusiyedeki apishaneden Ukrainağa ketirdiler. Bunı noyabr 26 künü öz Facebook saifesinde rusiyeli advokat Nikolay Polozov bildirdi.

«Biz Haysernen Ukrain sıñırını keçtik. Telükesizlik mefkuresinen, Rusiyede yolda olğanımızda men bağğa çıqmay edim. Acele izaat alıp olamağanlardan afu sorayım. Eñ esası – Kremlniñ dörtünçi esiri sağ-selâmet evine ketirildi», – dep yazdı advokat.

Bundan ögüne qırımtatarlarnıñ lideri, Ukraina halq vekili Mustafa Cemilev, Hayserni Rusiyeden Kyivke ketirgenlerinen, onı birden tedaviylenmege yollaycağını aytqan edi.

Rusiyeli advokat Nikolay Polozov öz Twitter saifesinde 25 noyabrde, onıñ müşterisi Hayser Cemilev, qırımtatar milliy lideriniñ oğlu azat etilgenini haber etti.

24 noyabrde Astrahan mahkemesi Hayser Cemilevniñ artından memuriy nezaret alıp barılacağı aqqında qararnı lâğu etkenini haber etken edi. Bu oña Rusiyeden tış çıqmağa imkân berecek.

Cumaertesi künü, 26 noyabrde, Hayser Cemilevge belgilengen ceza müddeti soñuna yetecek. Lâkin, Rusiye qanunlarına köre, onı, müddetniñ biteceginden ögüne soñki iş kününde, yani cuma künü, 25 noyabrde, yibermek kerekler.

2013 senesi o, aileniñ dostu olğan Fevzi Edemovnı muqaytsızlıq ile babasınıñ tüfeginden öldürgeninde qabaatlandı.

Qırım işğal etilgen soñ Rusiye taqiqat organları onıñ işini ğayırdan baqmağa qarar aldılar. Hayserni Aqmescit apishanesinden Krasnodar bölgesine alıp ketti.

Rusiye Federatsiyasınıñ Yüksek mahkemesi, Hayser Cemilevge Krasnodar mahkemesi tarafından tainlengen 5 yıllıq apis müddetini bir-buçuq yılğa qısqarttı. Bunen beraber Kyivniñ Dnepr mahkemesi 2015 senesi aprel ayında oña ceza müddeti olaraq 3 yıl 8 ay apis cezasını belgilegen edi.

XS
SM
MD
LG