Qırım sakinleri ev qırucılığı, fermacılıq ya da diger işler içün Rusiyeniñ Magadan vilâyetinde topraq ala bileler. Kreml nezaretindeki Qırım Mal ve topraq muameleler nazirligi yarımada sakinkerini «Uzaq Şarqtaki gektar» programmasına qoşulmağa ve Uzaq Şarq federal okrugında topraq almağa çağıra.
«Uzaq Şarqtaki gektar» programması Rusiye Federatsiyasınıñ Perezidenti Vladimir Putinniñ avalesi ile, I Şarqiy iqtisadiy forum neticesinde qabul etilgen edi ve onıñ şahsiy kontrolünde keçirile. Mezkür programmada iştirak etmek içün arizalar 2017 senesi 1 fevral kününe qadar qabul etilecek», – dep haber ete müessiseniñ matbuat-hızmeti.
Evel haber etilgeni kibi, Kreml nezaretindeki Qırım Mal ve topraq muameleler nazirligi, devlet teşkilâtlarınıñ mülkünde olğan mesken evlerniñ binalarını şeer mülkine keçirmege niyetli. Bu, akimiyet vekilleriniñ işandırğanlarına köre, belgilengen ceyan boyunca içtmaiy kiralama ya da kira añlaşmaları boyunca mesken yerlerni insanlarğa bermege imkân yaratacaq.
