Link açıqlığı

Saatnıñ esas haberi

Polozov: Hayser Cemilev özüni yahşı is ete ve azat etilecegini bekley


Advokat Nikolay Polozov 24 noyabrde Twitterde, beklentiden soñ, Astrahan apishanesinde Hayser Cemilev ile körüşip oldı.

«10 sanlı apishanede Haysernen körüştim. Onı ceza izolatöründen ketirdiler. Bir şeyge baqmadan, özüni yahşı is ete. Yarın azat etilecegini bekley», – dedi Polozov.

Bundan ögüne avokat Twitterde, onı üç saatten ziyade, Hayser Cemilevniñ bulunğanı koloniyağa, yibermegenlerini yazdı.

24 noyabrde Polozov haber etti ki, Astrahan mahkemesi Heyser Cemilevniñ artından memuriy nezaret alıp barılacağı aqqında qararnı lâğu etkenini haber etken edi. Bu oña Rusiyeden tış çıqmağa imkân berecek.

Cumaertesi künü, 26 noyabrde, Hayser Cemilevge belgilengen ceza müddeti soñuna yetecek. Lâkin, Rusiye qanunlarına köre, onı, müddetniñ biteceginden ögüne soñki iş kününde, yani cuma künü, 25 noyabrde, yibermek kerekler.

2013 senesi o, aileniñ dostu olğan Fevzi Edemovnı muqaytsızlıq ile babasınıñ tüfeginden öldürgeninde qabaatlandı.

Qırım işğal etilgen soñ Rusiye taqiqat organları onıñ işini ğayırdan baqmağa qarar aldılar. Hayserni Aqmescit apishanesinden Krasnodar bölgesine alıp ketti.

Rusiye Federatsiyasınıñ Yüksek mahkemesi, Hayser Cemilevge Krasnodar mahkemesi tarafından tainlengen 5 yıllıq apis müddetini bir-buçuq yılğa qısqarttı.Bunen beraber Kyivniñ Dnepr mahkemesi 2015 senesi aprel ayında oña ceza müddeti olaraq 3 yıl 8 ay apis cezasını belgilegen edi.

Hayser Cemilev ceza müddetini 10 sanlı Astrahan kolıniyasında keçire.

XS
SM
MD
LG