Link açıqlığı

Saatnıñ esas haberi

Yüzge yaqın Çeçenistanlı asker Aqyarda hızmet etip başladı – haber vastaları


Tasviriy resim
Tasviriy resim

Aqyarğa Çeçenistandan yañı alınğan askerler gruppası yollanıldı. Olar Rusiye Qara deñiz flotunıñ ordusında hızmet etecektirler. Bunı 23 noyabrde «Caucasian Knot» haber agentligi bildirdi.

«Küz çağıruvında alınğan yañı askerlerniñ birinci gruppası oktâbrniñ soñunda hızmetke yollanılğan edi. Küz çağıruv kampaniyası devamında Çeçenstan Cumhuriyetinden 500 insan orduğa alındı», – dep aytıla bildirüvde.

Çeçenistanlı askerler tek gemilerde degil de, Rusiye Deñiz arbiy küçleriniñ sahil ordularında da hızmet etecekler.

Oktâbr ayında Qırmda rus ordusında hızmet etmekten qaçınğan bir kişige qarşı mahkeme işi açılğan edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG