Elektrik kesilgen vaqıtta Qırım ealisi bölündi. Böyle fikirni 23 noyabrde Qırım.Aqiqat Radiosınıñ efirinde Qırımlı bloger Sergey Psaröv seslendirdi. Subet mevzusı energetik blokadanıñ yıllığınen bağlı edi.
«Bölündi (cemiyet – QA) atta, belki de, eki yarığa degil de, olğanına qol tutqan bir qısımğa. Men bellesem, bu büyük bir qısım degil edi, er şeyni çıdamağa azır olğanlar», – dedi o.
Kreml kontrolündeki Qırım Fevqulâde vaziyetler nazirligi keçken yılnıñ energetik blokadasını Qırım tarihında eñ büyük fevqulâde vaziyet olaraq tanıttılar.
Rusiye işğal etken Qırımda 2016 senesi baarde Rusiye energetik köprüniñ üçünci yolağı açılsa da, elektrikler söndürile. 2015 senesi dekabr ayından başlap, elektrşk dşrekleriniñ bozulmasından sebep, Qırımğa esas Ukrainadan elektrik aqımı ketmey. Şimdi Qırım özü çıqarğan energiyasını, Rusiyeden ketirilgen generatorlar ve Kubanden keçirilgen energetik köpürden kelgen energiyanı qullana.
