Link açıqlığı

Aksenov energetik qamaçavnı «Qırım halqına qarşı bir cinayet» dep adladı


Sergey Aksenov

Kreml tayin etken Qırım yolbaşçısı Sergey Aksenov energetik qamaçavnı «yarımada halqlarına qarşı bir cinayet» dep adladı. Bunı o noyabr 22-de Facebook saifesinde bildirdi.

«Tam bir yıl evelsi Qırım halqlarına qarşı cinayet işlendi. Kyiv akimiyeti yarımadanıñ energetik qamaçavına başladı. Herson vilâyetindeki tayan patlağan soñ regionımız bütünley ışıqsız qaldı», – dedi Aksenov.

Aksenovnıñ aytqanına köre, uquq qorçalayıcı teşkilâtlar «bu cinaiy areketlerge emiyet bermedi, Kyiv akimiyeti ise Qırımdaki insan aqlarınıñ bozulmasına dair teşviqat ile tolu yalan rezolütsiyasını Birleşken Milletlerge qabul ettire».

«Bugünde-bugün Qırımnıñ energetik havfsızlığı tolusınen teminlengen. Yarımadanıñ şimdiki ihtiyaclarını qarşılamaq içün energetik köpür bergen energiya yeterlidi. Amma ilerideki inkişafı içün yeterli degildir», – dedi Aksenov.

Rusiye işğal etken Qırımda 2016 senesi baarde Rusiye energetik köprüniñ üçünci yolağı açılsa da, elektrikler söndürile. 2015 senesi dekabr ayından başlap Qırımğa esas Ukrainadan elektrikler ketmey.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG