Noyabr 21, bazarertesi künü Ukrainada Menlik ve azatlıq Künü qayd etile. 2013 senesi bu künü Yevromaydan başlanğan edi. O vaqıt Nikolay Azarovnıñ akimiyeti AB ile assotsiatsiya añlaşmasınıñ imzalanması içün yapılğan azırlıqlarnı toqtatmağa qarar alğanı edi, ukrainliler ise narazılıq bildirmege çıqtılar.
Baş prokuraturanıñ malümatına köre, Yevromaydan devamında 2,5 biñ insan zararlandı, olardan 104 insan elâk oldı – çoqusı 2014 senesi fevralde. Soñra, narazılq aktsiyalarınıñ qurbanlarını Kök Yüzü Qaramanları olaraq anlandırdılar.
Kök Yüzü Qaramanlarınıñ arasında Keriçli, Qırım sakini Sergey Kemskiyniñ adı da keçe. O 201 senesi fevralde İnstitutskaya soqağında snayperniñ qurşunı ile öldürükgen edi.
çki işler nazirliginiñ malümatına köre, 2014 senesi fevral 18 – mart 2 künleri arasında Kyivniñ merkezinde hızmet vazifelerini eda etkenleri vaqıtta 17 uquq qorçalayıcı elâk olğan edi.
Menlik inqilâbınıñ üçünci yıllığı munasebetinen Kyivte bir sıra resmiy hatıra ve medeniyet merasimleriniñ keçirilmesi azırlanıla.
Ukraina prezidenti Petro Poroşenko 2014 senesi 13 noyabrde Menlik ve azatlıq Künü qayd etilmesi aqqında ferman imzaladı.
