Link açıqlığı

Uquq qorçalayıcılar yazda Qırımda yaqalanğan dörtünci «diversantnıñ» adını aydınlattı


Qırım uquq qorçalayıcı gruppasınıñ malümatına köre, avgust ayında Qırımda yaqalanğan «ukrain diversantları» işinde dörtünci kişi bar. O, Harkov sakini Vladimir Prisiç ola bile, dep aytıla teşkilâtnıñ saytında.

Uquq qorçalayıcılar qayd ete ki, Prisiçniñ taqdiri tam belli degil. O, ya Aqmescit SİZOsında, ya da Moskvadaki «Lefortovo» SİZOsında yata.

«Rossiya-1» telekanalınıñ yayınında Harkov aydavcısı olaraq tanıtılğan Vladimir Prisiç bu sene yanvar ayında ukrain istihbaratından teklif alıp, Qırımnı dolaşıp, andaki Rusiye arbiy tehnikası aqqında malümat toplağanını ayta... Rusiye yayınınıñ alıp barıcısı aytqanına köre, Prisiç Sarmat lağabını qullanıp, ukrain istihbaratı ile bağlanğan edi, ve 2016 senesi yanvar ayından avgust ayına qadar Qırımğa sekiz kere kelip ketken edi», – dep yaza Qırım uquq qorçalayıcı gruppası.

Uquq qorçalayıcılarnıñ tahminlerine köre, Prisiç azap çekip, basqı altında malümat bere bile.

Qırım uquq qorçalayıcı gruppasınıñ ekspertleri apiske alınğan Yevgeniy Panov, Andrey Zahtey ve Redvan Suleymanovnıñ insan aqları bozulğanını qayd ete.

Avgust 10-da FSB bildirdi ki, avgust 7-ge keçer gecesi «ukrain diversantları» taqımı yaqalandı, olar sanki Qırımda terakt azırlay ekenler. Bundan ögüne zapt etiilgen Qırımnıñ Rusiye kontrolündeki memuriy sınırnıñ keçitleri üç kün devamında qapatıla edi.

Ukraina ükümeti qabaatlavnı red ete ve yüz bergen vaqianı rusiyeli mahsus hızmetlerniñ «provokatsiyası» dep adlandıra.

Avgust 12 künü REN-TV rus telekanalınıñ sitesinde ukrainalı Yevgeniy Panovnıñ sorğudan keçirüv videosı peyda olğan edi ve o yerde o FSB-niñ bütün qabaatlavlarıını qabul ete. Bundan soñ uquq qorçalayıcıları yaqalanğannıñ bedeninde azaplarnıñ izleri qalğanını bildirgen ediler.


XS
SM
MD
LG