Qurucılar, Canköy rayonındaki Bolotnoye köyunde 2015 senesi baarde yıqılğan köpürni ğayırdan qurğanlarını bildireler. Bu haberni «Krıminform» yerleştire.
Moskva kontrolü astındaki «Tehnikiy nezaret hızmeti» devlet teşkilâtınıñ müdiri Vladimir Aleksandrenko, köpürniñ eki tarafından endi yol qurulğanını ve köpür üzeretinde asfalt qoyulğanını bildire.
«Köpürde yol işaretlerini çizmege ve çöküv qoşulmasını yapmağa qaldı», - degen Aleksandrenkonıñ sözlerini yaza agentlik.
22 mayıs künü Qırımnıñ Canköy rayonında Babatay ve Qamacı köyleri arasında avtomobil yolunda Pobednaya özeni üzerindeki köpür çokken edi ve neticede yıqıldı. Yerli sakinleriniñ oñaytlığı içün 3 km. uzunlıqta muvaqqat köpür qurulğan edi. Köpurniñ qurulmasınen qomşu Rusiyeden, Tataristanlı qurucılar oğraştı.
