Rusiye Devlet Dumasına Qırımdan keçken millet deutatlarğa qarşı İsveçre de yaptırımlarnı qabul etti. Bundan ögüne olar AQŞ ve AB sanktsiya cedvellerine qoşulğan ediler. Bu haberni «RİA Novosti» agentligi bildire.
Agentlikte qayd eteler ki, sanktsiyalar cedveline altı insan oğradı. Olar Devlet Dumasına Qırımdan saylanılğan ediler. «Bular – Ruslan Balbek, Konstantin Baharev, Dmitriy Belik, Andrey Kozenko, Svetlana Savçenko ve Pavel Şperov».
«Sanktsiyalar qabul etilgen soñ olar, kendilerine qarşı kirsetilgen sıñırlamalarnı İsveçreden keçip olamaycaqlar», – qay ettiler agentlikte.
Keçenleri qırımlı deputatlarğa qarşı sanktsiyalarnı AQŞ ve Avropa Birligi qabul etken edi.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
