Link açıqlığı

Qırımda yerli sakinlerniñ evlerinde yañı tintüvler keçirilgenini haber eteler


Qırımdaki tintüv, örnek resim

Rusiye işğal etken Qırımda qırımlılarnıñ evlerinde yañı tintüvler keçirilgenini haber eteler. Bunı noyabr 17-de Qırımtatar Milliy Meclisiniñ reis muavini İlmi Ümerov Facebook saifesinde bildirdi.

«Şerif Ganiyevniñ evinde tintüv keçirilgenini haber ettiler, yaşağan yeri: – Bağçasaray rayonı, Mağaraç (Hanışköy) k. Şerif qaynaqçı olıp çalışa, 40-45 yaşlarında, tintüv sebebini şimdilik bilmeymiz. Barıp olamayım», – dep yazdı Ümerov.

Qırımtatar Milliy Meclisiniñ reisiniñ birinci muavini Nariman Celâl bildirdi ki, «Aqmescit rayonınıñ Sofiyevka köyünde yerli iş adamı Yusuf ağanıñ evinde de tintüv keçirile. Sebebi şimdilik belli degil».

İşğalden soñ Qırımda mustaqil mühbirlerde, qırımtatar faallerinde ve Meclis azalarında kütleviy tintüvler sıq-sıq keçirilip başladı. Ukraina Tışqı işler nazirligi (TİN) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi ve basqıncılıqnı toqtatmağa çağırdı. TİN halqara toplulıqqa muracaat etip, Rusiye insan aqları ve ifade serbestligini bozmasın, ukrain siyasiy mabusları ve esirlerini azat etsin dep, oña qarşı bütün uquqiy ve siyasiy basqı usullarını qullansın istedi.

XS
SM
MD
LG