Qırımda noyabr 15-de Qırımtatar Milliy Meclisiniñ reis muavini Ahtem Çiygoznıñ mahkeme oturışında bütün mahkemecilerniñ çekilmesi talap etile. Bunı Rusiye advokatı Nikolay Polozov Twitterde bildirdi.
Advokatnıñ malümatına köre, mahkeme oturışı qabaat tarafınıñ şaatı Romantsovnıñ sorğusından başladı, o, 2014 senesi patrul hızmeti batalyonınıñ yolbaşçısı edi.
«Mahkemeciler şaat Romantsovnıñ cevaplarını begenmeyip, onıñ evelden bergen malümatını seslendirdiler», – dep ayttı Polozov.
Advokatnıñ aytqanına köre, şaat 2014 senesi fevral 26-da Qırım Muhtar Cumhuriyetiniñ Yuqarı Şurasınıñ binasına bir qaç kişi sındırılğan mefruşat parçaları ile kirgenini ayttı. Mahkemeci qayd etti ki, bundan evel politsiya hadimi numayış iştirakçileri mefruşatnı sındırğanını aytqan edi, amma mahkemede bunı körmegenini bildirdi.
«Men baş mahkemeciniñ areketlerinden şikâyet etip, dava neticelerini bilgeninden sebep mahkemecilerni çetleştirmege talap ettim», – dep yazdı advokat.
Polozovnıñ aytqanına köre, «Çiygoz davasınıñ» mahkemecileri esnastaki qabaatlayıcı tesirini gizlemey. «Bes-belli ki, üküm de evelden azırlandı», – dep qoştı advokat.
Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.
Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.
