Link açıqlığı

Saatnıñ esas haberi

Cemilev: Qırımda insan aqları boyunca BM rezolütsiyasınıñ bütün maddelerine Rusiye qulaq asmaycaqtır


Mustafa Cemilev
Mustafa Cemilev

Qırımtatar halqınıñ lideri Mustafa Cemilev tahmin ete ki, 15 noyabrde Qırımda insan aqları boyunca BM rezolütsiyası qabul etilgen soñ, Rusiye onıñ bütün maddelerini körmemezlikke urmaq mumkün. Bunı Cemilev noyabr 14 künü New-Yorkta matbuat konferentsiyasında beyan etti.

«Rusiye bizim topraqlarımıznı terk etecegini beklemeymiz, ve, belki de, butün maddeler körmemezlikke urulacaqtır. Lâkin bu rezolütsiya Qırımdaki insanlar içün ğayet emiyetlidir», – dedi Cemilev.

Onıñ qayd etkenine köre, rezolütsiyada bir sıra talaplar seslendirile. Eñ müyimlerden biri – işğal etilgen yarımada insan aqlarınıñ bozuvlarını qayd etecek halqara nezaret eyyetini yiberilmisidir.

İşğalden soñ Qırımda mustaqil mühbirlerde, qırımtatar faallerinde ve Meclis azalarında kütleviy tintüvler sıq-sıq keçirilip başladı. Ukraina Tışqı işler nazirligi (TİN) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi ve basqıncılıqnı toqtatmağa çağırdı. TİN halqara toplulıqqa muracaat etip, Rusiye insan aqları ve ifade serbestligini bozmasın, ukrain siyasiy mabusları ve esirlerini azat etsin dep, oña qarşı bütün uquqiy ve siyasiy basqı usullarını qullansın istedi.

XS
SM
MD
LG