Link açıqlığı

Saatnıñ esas haberi

AQŞ Ukraina ile birdemlikte açlıq qurbanlarını aña – Beyaz saray


Golodomor qurbanlarınıñ abidesi, Kyiv
Golodomor qurbanlarınıñ abidesi, Kyiv

Suniy açlıq (golodomor) qurbanlarını añmaqta AQŞ ukrain halqına birdemlik köstere. Bu aqta beyanat Beyaz saraynıñ sitesinde yerleştirile.

«Bu ayda ukrain halqı ile birlikte butün dünya, zemaneviy tarihımıznıñ eñ qorqunçlı ve büyük facıalarından biri olğan – açlıq qurbanlarını añğanda, Amerika Qoşma Ştatları da birdemlikke qoşula. 83 yıl evelsi İosif Stalinnıñ vahşıycesine keçirgen siyaseti neticesinde Ukrainada 3 million insan elâk oldı», – dep aytıla beyanatta.

Vesiqada qayd etile ki, «ukrain-amerika cemiyeti ve ukrain halqınıñ dostları açlıq qurbanları aqqında hatırası yaşasın dep qolundan kelgenini yapa».

Noyabrniñ soñ cümaertesi kününden bir afta ögüne Ukrainada golodomor qurbanlarını añalar.

Ukraina Milliy İlimler Akademiyasınıñ Ptuha adına demografiya institutınıñ içtimaiy araştırmalarına köre, 1932 senesinden 1934 senesine qadar Ukrainada suniy açlıq neticesinde 3,9 million ukrainli elâk oldı, bu umumiy nufuznıñ 13% teşkil ete. Bazı diger tetqiqal işleri qurbanlarnıñ daa büyük sayısını köstere.

XS
SM
MD
LG