Rusiye prezidenti Vladimir Putin akimiyetniñ teklifini qabul etip, Rusiye ile Ermenistannıñ umumiy arbiy bölükleriniñ tesis etilmesine qol tuttı. Bu aqta ferman noyabr 14 künü Rusiyeniñ resmiy uquqiy malümat portalında yerleştirildi.
Ermenistan parlamenti 2016 senesi iyün 30 künü öz akimiyetiniñ Rusiye ava telükesizligi sistemasına qoşulmaq qararını tasdiqlağan edi.
Ermenistan, Rusiye, Belorusiye, Qazahistan, Qırğızistan ve Tacikistan – Kütleviy telükesizlik aqqında añlaşma teşkilâtınıñ azaları olalar.
Moskva bu teşkilât çerçevesinde arbiy işbirlikni küçlendire. Aynı vaqıtta Ğarbiy devletler ile munasebetler kerginleşe.
Moskva ile Ğarp arasında münasebetler 2014 senesi, Qırım Rusiye tarafından işğal etilgen soñ beterleşken edi.
Ukraina ve Ğarp Rusiyeni Donbasstaki Rusiye tarafını tutqan cenkâverlerge destek bergeninde qabaatlaylar. Moskva bu qabaatlarnı inkâr ete ve dey ki, Donbassta rus arbiyleri yoq, sadece «göñülliler» bar.
