Link açıqlığı

Saatnıñ esas haberi

Yılnıñ başından Qırımda 512 mütehassıs ekim işten boşatıldı


Aleksandr Golenko. Arhiv resimi
Aleksandr Golenko. Arhiv resimi

2016 senesiniñ doquz ayı devamında işağal etilgen Qırımnıñ şıfahanelerinde 512 mütehassıs ekim işten boşatıldı. Bunı Moskva tarafından tain etilgen Qırım Sağlıq saqlav naziri Aleksandr Golenko bildirdi, dep yaza müessiseniñ matbuat hızmeti.

Sağlıq saqlav saasınıñ problemeları sırasında, matbuat hızmetiniñ qayd etkenine köre, Golenko kadrlar meselesine işaretledi ve onı yerli idarelernen birlikte çezmege kerek olğanını ayttı.

«Ekimlerniñ yetişmegeni aqqında ne aytılsa da, bu yılnıñ 9 ayı devamında 512 mutehassıs işten boşatıldı, 632 ekim ise Qırım hastahanelerine işke alındı, tibbiyet hadimlerinden – 1029 keldi, 951 – boşatıldı», – dep bildirdi Golenko.

Onıñ sözlerine köre, kadrlar meselesi ayrıca «ekim olmaq içüm 7-8 yıl oqumağa kerek olğanı, mutehassıslar ise endi bügün kerek olğanınen bağlı», dep qayd ettiler matbuat hızmetinde.

Kremlin nezareti astındaki Qırım akimiyetiniñ yolbaşçısı Sergey Aksönov noyabr 8 künü yarımadanıñ şeer ve rayonlarında «kadrlar temizlenüvini» keçirmege talap etti.

XS
SM
MD
LG