Link açıqlığı

Saatnıñ esas haberi

Qırımda boranlı yağmur sebebinden furtuna ihtarı ilân etildi


Tasviriy resim
Tasviriy resim

İşğal etilgen Qırımda boranlı yağmur sebebinden noyabr 11 künü furtuna havfı ilân etildi. Bunı Kremlinge bağlı Qırım Fevqulâde vaziyetler nazirliginiñ matbuat hızmeti bildirdi.

«Noyabr 11 künü kündüz Qırımda küçlü ve bazı yerlerde pek küçlü boranlı yağmur beklenile. Furtuna ihtarı ilân etildi», – qayd etile.

Boranlı yağmur olğan vaziyette yerli sakinlerne telükesizlik qanunlarına uymağa ve şeerde kezmekten vazgeçmege tevsiye ettiler. Ondan da ğayrı matbuat hızmeti Keriç parom keçitiniñ işini toqtatıla bilecegini bildire.

Bundan evel müessise noyabr 6-8 künleri küçlü ruzgâr ile furtuna havfını ilân etken edi.

Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye bağıdır. Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.

XS
SM
MD
LG