Aqmescitte Rusiyege bağlı olğan Qırım mulk fondı Eren Volodimir ve Olga adına Kiyev Patriarhat Ukraina Ortodoks Kilisesi ait olğan katedral kilseniñ birinci qatını qapatmağa areket etti. Bunı noyabr 8 künü «Golos Krıma» informatsıon agentligine Aqmescit ve Qırım arhiyepiskopı Kliment bildirdi.
«Olar kilsege men olmağan vaqıtta keldiler ve andaki hadimlernen davalaşıp başladılar, deral meni çağırttırmağa talap ettiler. Mahkeme qararını kösterdiler, oña köre, sanki menden sanki katedral kilseniñ bütün binasını almaq aqlılar. Albu ki bügünki künde bu qarar kilseniñ tek birinci qatına ait», – dedi Kliment.
Arhiyepiskop emin, bu ziyaretten soñ sadece mahkemede belgilenden binanıñ qısımı degil de, artıq binanıñ bütüni tutıp alınacaqtır.
«Qırım mulk fondı 20 yıl devamında, yarım ada resmiy Ukrainağa bağlı olğanda, bu bita içün «küreş» alıp bara edi ve bu yerde Kiyev Patriarhat kilsesi olmaması içün qolundan kelgenini yapa edi. Aynı insanlar şimdi de bu siyasetini devam eteler», – dedi papaz ve kilseniñ yanında bazarnıñ yoq etilmesinen beraber, bu bina da, meselâ, alış-veriş merkezi içün birisine uyğun körünmek mümkün olğanını qayd etti.
2014 senesi Qırım zapt etilgen soñ, Kremlinge bağlı Qırım ukumeti 2002 senesi imzalanğan daire añlaşmasına yañı fiyat esaplama usulı qoşqan soñ, kilsenıñ birinci qatındaki odalar mulk fondı ve yeparhiya arasında davağa çıqacapına sebep oldı. Arhiyepiskopnıñ aytqanına köre, şimdi davalı 112 kare metr qısımında küçük kilse ve mevtalarnı cıymaq içün oda yerleşe.
İyün 14 künü Rusiyege bağlı Aqyar Appelatsıon Mahkemesi Qırım yeparhiyasını odalarnı boşatmağa ve yarım million rubre para cezasını ödemege qarar aldı.
