Kyivde noyabr 8-de ukrain tarihçısı Vladimir Golovkonıñ «Rus alemi» Ukrainağa qarşı» seriyasınıñ «Qırım işğali» kitabı taqdim etildi, dep bildire Qırım.Aqiqat mühbiri.
«İşğalden vaqıt keçken soñ tarihiy hulâsalar çıqara bilemiz, vaziyet faktlarğa köre tedqiq etile ve vaqialarnıñ mantığı ögrenile bile», – dep ayttı matbuat konferentsiyasında Golovko.
Müellifniñ aytqanına köre, kitap Viktor Yanukoviç Ukraina prezidenti saylanğan 2010 senesinden 2016 senesi avgust ayına – «Rusiye Ukrainanı Or Qapı boynunı ücüm etkeni ile qabaatlağanına» qadar müddetni qavrap ala.
Kitap rusça yazılğan, çünki rus ve şarqiy Avropa oquyıcıları içün azırlanğan. Kitap Çeh Cumhuriyeti, Slovakiya ve Macaristanda taqdim etildi.
«Çeh Cumhuriyetinde Rusiye muhalifetiniñ liderlerinden biri Gari Kasparovğa kitapnı özüm berdi. Cuma künü onı Rusiye prezidenti Vladimir Putinniñ işleri idaresine yolladım, çarşenbe-cumaaqşamı künü kelmeli, dediler», – dep tarif etti tarihçı.
