Qırımtatar Milliy Meclisi reisiniñ birinci muavini Nariman Celâl noyabr 7-de KrımSOS cemaat teşkilâtına bergen izaatlarında qayd etti ki, FSB oña Meclisni unutacaqsıñız dedi.
«İlmi Ümerovnıñ davası boyunca FSB sorğusında olğanda bizge birden aytıldı: «Qırımtatar Milliy Meclisini unutıñız ve onıñnen bağlı olmañıznı aytmañız. Aks alda, cinaiy işler açmağa mecbur olacaqmız. Añlaysıñızdır, taqiqatçılar er vaqıt eyi körünmege istey», – dedi Celâl.
Rusiyeli FSB Umerovnı mayıs 12-de Bağçasarayda yaqaladı. Rusiyeli uquq qoruyıcı organları bu sene mayıs ayında İlmi Umerovğa qarşı «separatizm» maddesi boyunca cinaiy iş açtı.
Avgust 11-de mahkeme zalında İlmi Umerovnıñ alı yaramaylaştı. Ekimler onı infarkt havfı ile hastahanege ketirdi. Bundan soñ Rusiyege boysunğan Aqmescitteki Kiyev rayon mahkemesi Umerovnıñ statsionar psihiatrik-mahkeme ekspertizadan keçirilmesi aqqında qarar aldı. O, psihiatrik hastahanege avgust 18-de ketirildi.
Sentâbr 7-de İlmi Umerov klinikadan çıqtı.
Oktâbr 20-de Umerovğa tanış olmaq içün lingvistik ve psihiatrik-mahkeme ekspertizalarınıñ neticeleri kösterildi.
Noyabr 2-de İlmi Ümerovğa Qırımdaki Rusiye FSB bölüginde qabaatlı olaraq mesülietke çekilmesi qararı çıqarılıp berildi.
