Kreml kontrol etken Qırım Yuqarı mahkemesinde noyabr 8-de eki mahkeme oturışı keçirilecektir: Rusiye advokatı Nikolay Polozov işi boyunca ve Qırımtatar Milliy Meclisiniñ reis muavini Ahtem Çiygoznıñ davası boyunca. Bunı advokat Facebooktaki saifesinde bildirdi.
«Yarın (noyabr 8 künü – QA) saat 9:20 Qırım Yuqarı mahkemesinde FSBniñ maña qarşı işi boyunca toplaşuv keçirilecek, saat 10:00 ise aynı yerde Ahtem Çiygoznıñ davası boyunca mahkeme devam etecektir. Toyğun», – dep yazdı Nikolay Polozov.
Qırımda Rusiye advokatı Nikolay Polozovğa nisbeten taqiqat tedbirleriniñ keçirilmesi içün mahkeme oturışınıñ keçirilmesi belginlengen edi.
Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.
Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.
