Link açıqlığı

Saatnıñ esas haberi

Polozov ve Çubarov Ukraina ombudsmeni ile «Çiygoz davasını» laf ettiler


Rusiye advokatı Nikolay Polozov Kyivde bir sıra körüşüv keçirdi. Qırımda Ukraina vatandaşlarınıñ aq-uquqlarını qorçalav meselesi noyabr 6-da Qırımtatar Milliy Meclisiniñ reisi Refat Çubarov ve Ukraina Yuqarı Radasınıñ insan aqlarından vekâletlisi Valeriya Lutkovskaya ile muzakere etildi. «Çiygoz davasını» da baqtılar.

«Muzakere etilecek bir çoq usul aqqında añlaştıq. Mence, vekâletli ile işbirligimiz semereli olur. Şimdilik, maalesef, Ukraina akimiyeti ve Qırım toprağı boyunca vekâletli organlar tarafından qoltutuv ceetinden büyük bir boşluq bar, ümü etem ki, bu körüşüv meseleniñ müsbet neticelerine ketiriri», – dep ayttı Polozov Qırım.Aqiqatqa.

Cumaertesi künü, noyabr 5-de, Rusiye advokatı Nikolay Polozov Kyivge keldi. Bir sıra körüşüv keçirip, «Ahtem Çiygoz davasınıñ» delillerini topladı.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.



XS
SM
MD
LG