«İşğal altındaki Qırımda olıp keçken yatırım keñeşinde «Krımskiy privoz» bazarı etrafındaki yerni park noqtaları ile abadanlaştıruv» leyhası tasdıqlandı, dep haber ete «Krıminform».
«Yatırım añlaşmasınıñ leyhasında qayd etile ki, yatırımcı yerli memuriyetni 2,5 mln ruble miqdarında içtimaiy maddiy yardım ile teminleycektir», – dep ayttı OOO «Krımskiy privoz» vekili Denis Markov.
Onıñ qayd etkenine köre, bu para azbar içindeki kirişlerde asfalt töşelmesi, bala ve sport meydançıqlarınıñ abadanlaştırmasına berilecektir.
Avgust ayında Kreml kontrol etken şeer ükümeti ve qurğan idare şirketi Aqyarnıñ Merkeziy bazarındaki ticaret noqtaları ve pavilyonları aqqını tasdıqlaycaq ediler, iş adamları ise mal-mülkleri içün mahkemede dava açtıracaq olalar.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
