Noyabr 4-de gece Türkiye politsiyası memleketniñ baş kürt siyasiy küçü, Halqlarnıñ demokratik firqasınıñ, eki reisdeşini ve bu firqanıñ 11 halq vekilini yaqaladı. Bunı Radio Svoboda bildire.
Türkiyeniñ Anadolu devlet haber agentliginiñ malümatına köre, Selahattin Demirtaş Diyarbakır cenüp-şarq şeerindeki evinde, firqanıñ diger lideri Figen Yüksekdağ ise Türkiyeniñ paytahtı Ankarada yaqalandı.
Türkiye parlamentindeki Halqlarnıñ demokratik firqasınıñ fraktsiya reberi İdris Baluken de yaqalandı.
Olarnı terrorizm taqiqatı çerçivesinde yaqaladılar. Demirtaş ve Yüksekdağ soñki vaqıtları bir qaç taqiqatnıñ obyekti ediler, amma ilk sefer yaqalanalar.
Türkiye prezidenti Recep Tayyip Erdoğan Demirtaşnı bir çoq kerek tenqit etken edi.
Millet vekilleri parlament olarnıñ taqip etilmesine izin bergen soñ yaqalandı.
Halqlarnıñ demokratik firqası Türkiye parlamentiniñ sayığa köre üçünci firqasıdır, onıñ 59 yeri bar. Firqa kürtlerniñ esas siyasiy vekili ola.
