Qırım müendislik-pedagogika universitetiniñ yañı rektorı Çingiz Yakubov oldı. O, sabıq rektor Fevzi Yakubovnıñ oğludır. Bunı Qırım tarihçısı, QMPU sabıq hadimi Gülnara Bekirova Qırım.Aqiqatqa aydınlattı.
«Yañı rektor Çingiz Yakubov tayinlendi. Fevzi Yakubov vazifesinden ayırıldı. İnqilâbiy bir qarar degildir, er şey istekke köre olğanını tüşünem», – dep ayttı Bekirova.
Çingiz Yakubov – tehnikiy ilimler namzeti, dotsent. Bundan evel QMPU maşina qurucılığı bölüginiñ müdiri edi.
Qırım müendislik-pedagogika universiteti 1993 senesi sürgünlikten qaytqan halqlarnıñ ihtiyaclarını qarşılamaq içün quruldı. Canköy, Kezlev ve Keriçte filialları bar.
