Link açıqlığı

Qırım müendislik ve pedagogika universitetiniñ rektorı vazifesinden ayırıla – matbuat vastaları


Fevzi Yakubov. Arhiv fotoresimi

Qırım müendislik ve pedagogika universitetiniñ deñişmez rektorı, tehnik ilimler doktorı, professor Fevzi Yakubov vazifesinden ayırıla. Bunı noyabr 3-de Avdet neşiri bildire.

«Bugün, noyabr 3-de, aliy oquv yurtunıñ professor-ocalar erkânına ve hadimlerine yañı rektor ve muavinleri taqdim etilecektir. Yakubovnıñ yerini alacaq kişi şimdilik belli degil», – dep qayd ete neşir.

Sentâbr ayında «Qırımnıñ sesi» («Golos Krıma» – QA) neşirinde «Halqlar niyetlengenlerniñ aşalamasınen degil, tanılmasınen yaşay» serlevalı maqalesi çıqqan edi. Muarririyet Qırım müendislik ve pedagogika universitetiniñ ilmiy keñeşi toplaşuvında qabul etilgen «ATRniñ lâyıq cezası» açıq mektübi aqqında tarif etti. Mesele ATR telekanalınıñ aliy oquv yurtunıñ rektorı Fevzi Yakubovnı satqınlıq ile qabaatlağan videosınen bağlıdır.

Qırım müendislik ve pedagogika universiteti 1993 senesi quruldı. Universitet bölükleriniñ yarısından ziyadesi IV derecege köre akkreditatsiyanı aldı. Kelecek sene aliy oquv yurtunıñ birinci rektorı 80 yaşını tolduracaqtır.

XS
SM
MD
LG