Link açıqlığı

Qırımda Polozovğa qarşı taqiqat tedbirlerini keçirmek içün mahkeme olacağını ilân eteler


Nikolay Polozov. Arhiv fotoresimi

Qırımda Rusiye advokatı Nikolay Polozovğa nisbeten taqiqat tedbirleriniñ keçirilmesi içün mahkeme oturışınıñ ötkerilmesini belgilediler. Bunı Polozov noyabr 3-de Twitterde bildirdi.

Polozov derc etken vesiqa kopiyasına köre, 2016 senesi noyabr 8-de Kreml kontrol etken Qırım Yuqarı mahkemesinde prokurornıñ advokat Polozovğa nisbeten taqiqat tedbirleriniñ keçirilmesine izin berilmesi aqqında ricası baqılacaqtır.

«Artıq Qırımda meni Qırım Taqiqat idaresinen beraber FSB de taqip ete. Er şeyni doğru yapam, demek», – dep ayttı Polozov.

Tünevin Qırım advokatı Emil Kürbedinov Facebooktaki saifesinde yapqan işleri ve «Viyanadaki ifade serbestligine bağışlanğan OSCE çıqışından sebep» oña qarşı basqı artqanını aydınlattı. Kürbedinov alıp barğan işlerinden vazgeçmeycegini bildirdi.

Qırım işğalinden soñ yarımadada mustaqil jurnalistler, qırımtatar faalleri ve Meclis azalarında tintüvler sıqlaştı. Ukraina Tışqı işler nazirligi (TİN) Ukrain vatandaşları işğal olunğan Qırımda taqip etilgenlerinden raatsız olğanını beyan etip, basqılarnı toqtatmapa çağırdı. Bunıñnen beraber TİN Dünya toplulığına muracaat etip, bütün mumkün olğan siyasiy ve uquqiy imkânlar ile Rusiyege tesir etmege, onıñ totalitar usullarınen insan aqları ve söz serbestligini yoq etmesini toqtatmağa, ve apis etilgen ukrain siyasiy mabuslarnı azat etmege çağırdı.

XS
SM
MD
LG