Link açıqlığı

Rusiye kontrol etken Qırım Yuqarı Şurasındaki «Çiygoz davasınıñ» noyabr 2-de olıp keçken oturışında qabaat tarafınıñ eki şaatı qabaatlanğannı fevral 26 mitinginde körmegenini ayttı. Bunı advokat Nikolay Polozov video muracaatında tarif etti.

««Qabaatnıñ birinci şaatı «halq göñüllileri» polkunıñ inspektorı Filonov oldı. Ahtem Çiygoznı körmedi. Mitingde zarar körmedi», – dep ayttı Polozov.

Advokatnıñ aytqanına köre, qabaat tarafınıñ ekinci şaatı Sergey Muravyev oldı, o, Kreml kontrol etken Qırım yolbaşçısı Sergey Aksenovnıñ hadimlerden tış mesleatçısı ola. Şaatnıñ aytqanına köre, o, Aksenovnen beraber mitingni dolaştı ve qırımtatarlar «olarğa qarşı basqı yapmadı».

«Üçünci şaat Anohin edi, «Rus birligi» firqasınıñ azası ve «halq göñüllileriniñ» azasıdır. Onı tolusınen sorğuğa çekip olamadılar, çünki taqiqat izolâtorı ile bağ üzüldi. Neticede mahkeme oturışı yarınğa qaldırıldı. Saat 9:30 başlaycaqtır», – dep qayd etti Polozov.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG