Link açıqlığı

Çarşenbe künü, noyabr 2-de, Qırımtatar Milliy Meclisiniñ reis muavini İlmi Ümerovğa Rusiye Federatsiyasınıñ Federal havfsızlıq hızmetinde qabaatlı olaraq celp etilmesine dair qarar çıqarılıp berildi. Bunı advokatı Emil Kürbedinov Facebooktaki video muracaatında bildirdi.

«Qararda kelgen ekspertiza neticeleri esasında qabaat qayd etildi. Hatırlatam, taqiqat ATR (telekanal – QA) çıqarğan malümatnı yollağan edi, anda ekstremizm ile bağlı bir şey barmı teşkerildi. Buña ekspertiza, elbet de, müsbet cevap berdi. Bu malümat qabaatlı kişi olaraq celp etilmesine dair qararğa kirsetildi», – dep ayttı advokat.

İşniñ yañı malümatları esasında taqiqatçı daa bir sorğu keçirecek edi, lâkin Ümerov Rusiye Anayasasınıñ 51-nci maddesine esaslanıp vazgeçti, dep qoştı advokat.

​Rusiyeli FSB Umerovnı mayıs 12-de Bağçasarayda yaqaladı. Rusiyeli uquq qoruyıcı organları bu sene mayıs ayında İlmi Umerovğa qarşı «separatizm» maddesi boyunca cinaiy iş açtı.

Avgust 11-de mahkeme zalında İlmi Umerovnıñ alı yaramaylaştı. Ekimler onı infarkt havfı ile hastahanege ketirdi. Bundan soñ Rusiyege boysunğan Aqmescitteki Kiyev rayon mahkemesi Umerovnıñ statsionar psihiatrik-mahkeme ekspertizadan keçirilmesi aqqında qarar aldı. O, psihiatrik hastahanege avgust 18-de ketirildi.

Sentâbr 7-de İlmi Umerov klinikadan çıqtı.

Oktâbr 20-de Umerovğa tanış olmaq içün lingvistik ve psihiatrik-mahkeme ekspertizalarınıñ neticeleri kösterildi.


XS
SM
MD
LG