Qırımda noyabr 2-de Qırımtatar Milliy Meclisiniñ reis muavini Ahtem Çiygoznıñ davası boyunca nevbetteki mahkeme oturışı başladı. Bunı advokat Nikolay Polozov Twitterde bildirdi.
«Bugün qabaatnıñ birinci şaatı – Filonov Aleksandr İvanoviç. «Halq göñüllileri» polkunıñ inspektorı. Ekincisi – Muravyev Viktor Fedoroviç», – dep yazdı Polozov.
Rusiye kontrol etken Qırım Yuqarı mahkemesinde noyabr 1-de dört şaat sorğuğa çekilgen. Polozovnıñ aytqanına köre, iç biri qabaatlanğan kişi aqqında bir şey aytıp olamadı.
Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.
Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.
