Link açıqlığı

Noyabr 1, salı künü Sudaq qızdıruv merkeziniñ işi vaqıtınca toqtatıldı, evler qızdırılmay qaldı. Bu aqta şeerniñ resmiy sitesinde bildirile.

«Qaza aqımını kestirmek içün üç tamir brigadanıñ işi teşkilâtlandırıldı. Qızdıruv merkezi 2016 senesi 2 noyabr saat 14-ke qadar işini kene başlaycağı beklenile», – dep aytıla bildirüvde.

Keçenleri Qırımnıñ Kremlinge bağlı olğan yolbaşçısı Sergey Aksönov bütün içtimaiy obyektlerde sıcaqlıq derecesini teşkirmege ve qızdıruvnı köçürmege avale etken edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ zapt etilmesini ve işğalini qanunsız areket olaraq tanıdılar ve Rusiyeni tenbiyelediler. BM Baş Assambleyası, OSCE ve Avro Şurası parlament assambleyaları ayrı rezolütsiyalar qabul etti. Avropa Birligi, AQŞ ve diger memleketler bir sıra iqtisadiy sanktsiyalarnı kirsetti. Moskva da Ğarpqa qarşı bir sıra, anda adladırılğanı kibi, cevaplanma sıñır tedbirlerni kördi.

XS
SM
MD
LG