Link açıqlığı

Rusiye köy hocalıq nezareti Yaltada 90 kiloğa yaqın qolbas ve penirlerni yoq etti


Zapt etilgen Yaltada «sebze bazarında» keçirilgen teşkerüvden soñ Rusiye köy hocalıq nezareti 48 kilo Avropa penirlerini ve qıtaiy Ukrainadan ketirilgen 40 kilo qolbaslarnı tutıp aldı. Bunı müessiseniñ matbuat-hızmeti bildire.

«Devlet inspektorlari İngiltere, Felemenk, Poloniya, Almaniya, Frenkistan, Ukraina, İtaliyada çıqarılğan, umumen 48,08 kilo çekide penirlerni ve Ukrainada yapılğan 40,82 kilo qolbaslarnıñ satılğanını kördü», – dep bildirile matbuat-hızmetiniñ bildirüvinde.

Matbuat hızmetiniñ malümatına köre, mahsulatlar satılıştan alındı ve «Brener 500» furunında yaqılıp yoq etildi.

Qomşu Rusiyede ve işğal etilgen Qırımda aşayt mahsulatlarına ve köy hocalığınıñ çıqarğan mahsulatına yaptırımlar kirsetildi. İtalniñ sıñırlanması – evel Qırımnıñ işğal etilmesi ve Ukrainanıñ şarqiy bölgelerine tecavuz etkeni içün Moskvağa qarşı sanktsiyalnı qullanğan bir sıra devletlerge qarşı qabul etildi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG