Kremlge bağlı Qırım Garnizon Arbiy mahkemesi arbiy hızmetçi Nazariy Motâhin ve onıñ babası Aleksandr Motâhinnı tavşanlarğa izinsiz avlıq yapqanlarında qabaatlı tanıdı. Bunı noyabr 1 künü Qırım Arbiy taqiqat komitetiniñ matbuat hızmeti bildirdi.
«Taqiqat neticesinde 2015 senesi noyabr 7 künü baba ve oğlu izinsiz avlıq yapacaq oldılar, iç bir uquqiy temel elde etmeyip – rusak-tavşanlarğa avlıq yapılması yasaq olğan zamanda, kürk ayvanlarına avlıq ruhsetini almayıp. Araba fenerlerini köçerip, avnıñ peşinden ketip, Aleksandr Motâhin arabanıñ içinde olıp, andan ayvanlarnı tüfekten ata edi», – dep bildirile.
Matbuat hızmetiniñ malümatına köre, Motâhinler öz qabaatını inkâr eteler.
Bundan evel, Kremlge bağlı Qırım Bağ ve avcılıq hocalığınıñ devlet komitet hadimleri 2016 senesi avcılıq nezareti maqsadınen 475 teşkerüv keçirgenler. Avcılıq resurslarına 176,2 biñ ruble köleminde zarar ketirildi.
