Link açıqlığı

Qırımda jurnalist Lilâ Bucurovanıñ anası vefat etti


Qırım jurnalisti, «Bizim balalar» hayriye leyhasınıñ teşebbüsçisi Lilâ Bucurovanıñ anası Margarita Alekseyevna bazarertesi künü, oktâbr 31-de, vefat etti. Bunı «Qırım birdemligi» birleşmesiniñ faali Anna Bogaçeva Facebookta bildirdi.

Onıñ aytqanına köre, cenaze Aqmescitteki Stroiteley, 28 adresi boyunca qılındı.

«Bazarertesi künü, oktâbr 31-de, Aqmescitte belli qırımtatar jurnalisti Lilâ Bucurovanıñ anası keçindi», – dep yazdı Bogaçeva Facebookta.

Qırım jurnalisti Lilâ Bucurovanıñ anası vefat etkenini Qırım matbuat vastaları da haber ete.

Lilâ Bucurova, jurnalist, cemaat erbabı, «Biz qaytqan soñ...» ve «Alınmağan bilet» cıyıntıqlarınıñ müellifidir.

Mayısta Rusiye kontrol etken Aqmescit prokuraturasınıñ vekilleri jurnalist Lilâ Bucurovanı ekstremist faaliyet yapılamaz, dep tenbiyelediler. Vaqia onıñ siyasiy mabuslarnıñ balalarına yardım etmek çağıruvlarından soñ oldı.

İçtimaiy ağlarda ve Qırımnıñ kütleviy haber vastalarında Lilâ Bucurovağa anası vefat etkeninden taziyeler bildirile.

XS
SM
MD
LG