Ukraina prezidenti Petro Poroşenko Türkiye prezidenti Recep Tayyip Erdoğan ile telefonda subetleşti, dep bildire Ukraina prezidentiniñ matbuat hızmeti.
Poroşenko Türkiye vatandaşları Ukrainada 180 kün içinde 60 degil de, 90 kün qala bile, dep bildirdi Türkiye prezidentine. Aynı qarar Türkiye ükümeti tarafından Ukraina vatandaşları içün qabul etilgen edi.
Petro Poroşenko bunı memleketler arasında insaniyet ve iqtisadiyat munasebetleriniñ inkişafında müim bir adım dep adladı.
Subetdeşler işğal olunğan Qırımda insan aqlarınıñ bozulmasını da muzakere ettiler. Prezident Erdoğan yarımadada olıp keçken Rusiye parlament saylavlarınıñ neticelerini tanımaycaq, dep tekrar qayd etti. Ukraina devletiniñ yolbaşçısı türk halqını Türkiye Cumhuriyetiniñ 93-ünci yıllığı ile tebrikledi.
