Link açıqlığı

Qurultaynıñ MSK reisi Qırım musulmanlarınıñ evel belli olmağan apis etilüvleri aqqında bildri


Qırımtatar Milliy Qurultayınıñ Merkeziy saylav komissiya reisi Zair Smedlâyev öz Facebook saifesinde bildirdi ki, Qırımda tintüv ve soravlar muntazam sürette keçirile ve çoq allarda «gizli şekilde» ötkerile. O, onıñ malümatına köre, evelleri yaqalanğan, lâkin bunıñ aqqında kimseniñ haberi olmağan insanlarnıñ adlarını da aşkâr etti.

«Bes-belli, uquq cıyıcılar alem seviyesinde çalışqan terroristik teşkilâtınıñ yaqalaması aqqında stsenariy uydurmağa ve onıñ yoq etilmesi aqqında esabat bermege!» – yazdı o.

Başqa menbaalrdan bu malümat tasdiqlanılmadı, Qırımdaki rusiye mahsus hızmetleri vaziyetni izaatlamadılar.

İşğalden soñ Qırımda mustaqil mühbirlerde, qırımtatar faallerinde ve Meclis azalarında kütleviy tintüvler sıq-sıq keçirilip başladı.

Halqara meydançıqlarda uquq qorçalayıcılar Qırımdaki insan aqlarınıñ bozuvlarıaqqında daima bildireler.

Ukraina Tışqı işler nazirligi (TİN) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi ve basqıncılıqnı toqtatmağa çağırdı. TİN halqara toplulıqqa muracaat etip, Rusiye insan aqları ve ifade serbestligini bozmasın, ukrain siyasiy mabusları ve esirlerini azat etsin dep, oña qarşı bütün uquqiy ve siyasiy basqı usullarını qullansın istedi.

XS
SM
MD
LG