Link açıqlığı

Aqmescit merkezinde «Bütün zamanlarnıñ milisleri» abidesi içün yer ayırıldı


Aqmesc'tte «Bütün zamanlarnıñ milisleri» abidesiniñ leyhası

«Bütün zamanlarnıñ milisleri (opolçeniye)» abidesiniñ qurucılığına Kremlge bağlı Qırım kadastr ve devlet qayd etüv komitetiniñ mutehassısları Aqmescit merkezinde 200 kare metr yer ayırğnları aqqında müessiseniñ matbuat-hızmeti bildire.

«Abide Qırım paytahtnıñ merkeziy meydanında tiklenilecegi beklenile», – dedi Rusiyeniñ Qırımdakidevlet qayd etüv komitetiniñ yolbaşçısı Aleksandr Spiridonov.

«Bütün zamanlarnıñ milisleri» abidesini Gogol soqağında Nazirler Şurasınıñ yanındaki meydanda tiklemege planlaştırıla. Abideniñ yüksekligi 10,8 m. qadar yetecek, qullanılacaq malzeme – Alma özeniniñ beyaz kireç taşı. Qarasubazardan eykeltraş Vladimir Klüçev kolonnada qızıl granitten «Aziz Yorgi» timsalini yerleştirmege niyetli, abideniñ töpesinde totlanmağan çelikten – Qırım Cenki (1853-1854) zamanına ait Rus Milis ordularında qullanılğan haç pekitilecektir. Kolonnanıñ üç tarafından çeşit devirlerge ait milis (opolçeniye) vekilleri numaiş etilecek, dörtünci taraftan – milis areketiniñ tarihı aqqında metin yerleştirilecek.

Aqmescit akimiyeti abidege 20,5 million ruble masraf etecek ola.

XS
SM
MD
LG