Link açıqlığı

Qırımda 2017 senesi mart ayınıñ soñunda «Tavrida» yolunı qurup başlaycaqlarını vade eteler


2017 senesi mart ayında «Tavrida» yolunıñ quracılığı başlanacaq. Bunı oktâbr 28 künü Kremlge bağlı Qırım Naqliyat nazirliginiñ matbuat hızmeti bildirdi.

«Qurucılıq şirketiniñ vazifesi – Keriçten Aqyarğa qadar keçecek esas yolunıñ leyhasını azırlamaq ve 9 km uzunlığında Keriç köpürinne kelecek yollarnıñ leyhasını yapmaqtır», – dedi Kreml tarafından tainlengen Qırım Naqliyat naziri Anatoliy Volkov.

Bundan ögne Kremlge bağlı Qırım avtomobil yollar hızmetiniñ yolbaşçı vazifesini eda etken İgor Kravçenko «Tavrida» yolunıñ quracılığına ZAO «VAD» şirketine 970 million rublege yaqın avans sermiyaları ayırdı. Yolnıñ qurucılığı ende bu sene başlanmaq kerek.

2018 senesi «Tavrida» yolu azır olacağı ilân etilgen edi. Lâkin iyünde Rusiyege bağlı Qırım avtomobil yollar hızmetiniñ yolbaşçısı Aleksandr Mohna qurucılıq müddeti daha eki yılğa ögge sürülecegini degen edi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG