Qırımtatar tamırlı ukrain yırcısı Jamalanıñ «Obeşaniye» («Vade») türküsi rejissör Alena Demyanenkonıñ «Moya babuşka Fanni Kaplan» filminde esas muzıka olaraq qullanıldı. Bunı yırcınıñ matbuat-hızmeti bildire.
Haber etile ki, bu film XX asırınıñ başında Rusiye imperiyasında olıp keçken inqilâp vaqıtında inqilâpçı Fanni Kaplannıñ sevgi ikâyesini añlata. Fanni Kaplan tarıhte Vladimir Leninniñ hayatına suiqast etken qadın olaraq saqlanıldı.
Filmiñ 29 noyabrde taqdim etilecek. Ukrainada filmni dekabr 8 kününden başlap seyir etmege mümkün olacaq.
Sentâbr 21-de Jamala «1944» yırınıñ resmiy klipini taqdim etti.
Jamala mayıs 15-ne keçer gecesi İsveçiyanıñ paytahtı Stokgolmde «Eurovision-2016» yır yarışında ğalip çıqtı. Qırımlı qırımtatarlarnıñ sürgünligini añlatqan «1944» yırını icra etti. Yarış qaidelerine köre, 2017 senesi Ukraina «Yevrovideniye» yarışını qabul etecek. «Eurovision-2017» yarışı Kyivde keçirilecektir.
