Oktâbr 27 künü Qırımda furtuna havfı ilân etildi. Bunı Kremlge bağlı Qırım gidrometerologiya ve çevre nezareti idaresiniñ matbuat hızmeti bildirdi.
Saniyede 15-20 metr suratınen şımaliy-şarqiy ruzgâr esecegi beklenilgeni bildirile.
Bundan evel Kremlge bağlı Qırım FVN yarımadada küçlü furtuna ile rüzgâr olacağı aqqında bildirgen edi. Bu Keriç parom keçitiniñ işine tesir etmek mümkün.
Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye bağıdır. Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.
