Link açıqlığı

Rusiye prezidenti Vladimir Putin çarşenbe künü, oktâbr 26-da, işğal etilgen Qırımğa Umumrusiye halq cebesiniñ «Areketler forumı. Qırım» forumına keldi.

«Forumnıñ kün tertibinde – energetika ve gaz teminlevi, agrar-sanayı kompleksi ve iqtisadiyatnıñ diger saaları, şu cümleden Qırımnıñ turistik kelecegi», – dep qayd ettiler Rusiye prezidentiniñ Memuriyetinde.

Soñki sefer Vladimir Putin ve Dmitriy Medvedev Rusiye işğal etken yarımadağa sentâbr 15-de kelgen ediler, o vaqıt Keriçte Rusiye Devlet şurası prezidiumınıñ «memleket cenübiniñ naqliye sistemasınıñ meseleleri boyunca» toplaşuvı olıp keçken edi.

Putin ve Medvedev Keriç keçitiniñ qurucılığınen de tanış oldılar.

Ukraina Tışqı işler nazirligi Vladimir Putin ve Dmitriy Medvedevniñ Qırım ziyaretinden sebep narazılıq bildirecegini qayd etken edi. Ukraina nazirligi Rusiye memurlarınıñ devlet içinde kibi kerçekleştirilgen Qırım ziyaretlerini «olmaycaq bir şey» dep adladı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG