Link açıqlığı

Sabıq siyasiy mabus Gennadiy Afanasyev oktâbr 26-da Kremlniñ ukrain mabusları Nikolay Karpük ve Stanislav Klıhqa qoltutuv flash mobınıñ keçirilmesini ilân etti. Bunı Afanasyev Facebook saifesinde bildirdi.

Afanasyevniñ bildirgenine köre, oktâbr 26-da Rusiye Yuqarı mahkemesinde Karpük ve Klıhnıñ oturışı olacaqtır.

«Karpük ve Klıh davasınıñ ükmünden berilgen şikâyet arizasında beklenilmegen bir şey olmaycağını añlaymız, amma bu mahkeme aqqında özümizge hatırlatmaq, esirlerge qoltutmaq müimdir», – dep yazdı Afanasyev.

«Flash mobqa qoşulmağa teklif etem – Nikolay ve Stanislavğa qoltutuv sözleri ya da Rusiye «Femidası» içün «selâm» ile levhanı alıp, foto çıqarmaq kerektir»,– dep qoştı sabıq siyasiy mabus.

Faal bu fotoresimlerni içtimaiy ağlarda paylaşıp, ukrain mabuslarınıñ aqrabaları, dostları ve yaqınları Rusiye ketirgen belâda bir özleri qalmağanını köstermege çağıra.

Bazar künü, oktâbr 30-da, Rusiyede siyasiy repressiyalarnıñ qurbanlarını hatıra kününde, faaller «Kremlniñ ukrain siyasiy mabusları ile» birdemlik aktsiyasını keçirecekler. Olar mektüp yazmağa çağırdılar.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG