Oktâbr 25 künü Keriç parom keçiti ava vaziyeti eyileşecegine qadar bütünley işini toqtattı. Bunı «Deñiz müdirligi» («Morskaya direktsiya») şirketi bildire.
«Furtuna ihtarı kerçektir. Ava durumı tüzelecegine qadar parom keçiti çalışmaycaq», – dep bildirile açıqlamada.
Müessisede oktâbr 26 saat 3:00 qadar parom keçiti bütünley işini toqtatacağını qayd eteler.
Bundan evel «Deñiz müdirligi» parom keçiti oktâbr 24 künü aqşam işini toqtatmaq mümkün olğanını bildirgen edi.
Keçenleri Kremlin nezaretindeki Qırım Fevqulâde vaziyetler nazirligi bildirgen edi ki, yarımadada oktâbr 24 kününden oktâbr 26 kününe qadar küçlü furtuna ile ruzgâr beklenile. Bu Keriç parom keçitiniñ işine tesir etemek mümkün.
Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye bağıdır. Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.
