Link açıqlığı

Kyivte oktâbr 25 künü, Ebediy şüret bağçasında Sovetler Birliginiñ eki defa Qaramanı, qırımtatar uçucısı Amet-Han Sultannıñ abidesine çeçekler ketirilecek.

«Qırımtatar halqınıñ ulu evlâdı, Sovetler Birliginiñ eki defa Qaramanı, uçucı-sınavcı Amet-Han Sultannıñ abidesine gülçemberler qoyuv merasimi onıñ 96-cı yıllığına bağışlanılıp ötkerilecek», – dep bildirdi Qırımtatar Milliy Meclisniñ matbuat-hızmeti.

Bildirile ki, merasimde Meclis vekilleri, Ukraina devlet ve cemaat erbapları, cemiyet vekilleri iştirak etecek.

Sovet uçucısı Amet-Han Sultan 603 cenkâver uçuş yaptı, şahsen özü 30 ve grupp erkanında 19 lüftvaffeniñ uçağını urdı. Uçuş vaqtında uçucı tahminen 100 uçaqnıñ çeşitini ögrendi, uçuşları ise 4237 saatni teşkil ete eken. 1971 senesi fevral 1-de Tu-16 uçma laboratoriyasında deñeme uçuşında elâk oldı. Moskva Novodeviçye mezarlığında defn etildi.

XS
SM
MD
LG