Link açıqlığı

Rusiyeli uquq qorçalayıcı ukrain siyasiy mabusı Stanislav Klih onâ apiste berilgen azap ve qıynavlardan sebep aqılını cıydı.

Bunı rusiyeli uquq qorçalayıcı Zoya Svetova Radio Svobodağa bergen izaatında bildirdi.

«Bügünki künde Staniaslav Klih pek ağır vaziyette buluna. O yaqalanğan vaqıtında ve azırılıq taqiqatları devamında oña nisbetten yapılğan qıynavlardan soñ aqılından ayırıldı. Bu adam yaqın vaqıtta koloniyağa yollanılacaq, ve o anda nasıl ola bilecegi iç te añlaşılmay», – qayd etti Svetova.

Onıñ fikirine köre, Klihnı eñ yaqın vaqıtta Ukrainağa yollamağa ve psihiatrik hastahanege yerleştirmege kerek.

«Bu, kerçekten, Ukrain vatandaşlarına qarşı yapılğan Rusiye basqılarınıñ qorqunçlı qurbanı», – dep ayta uquq qorçalayıcı.

Mayıs 26-da Çeçenistanda mahkeme Nikolay Karpük içün 22,5 yıl apis cezasını tainledi, daa bir ukrainli Stanislav Klih – 20 yılğa oturtıldı.

Karpük ve Klihnıñ imayesi qabaatlarnıñ lâğu etilmesini ve bütün bildirilgen qabaatlarnıñ mudeti eskirgeni içün ukrainlilerniñ taqip etilmesini toqtatmağa talap ete.

Karpük ve Klih qabaatlarını inkâr eteler ve qanunsız yaqalanğanlarını beyan eteler, taqiqat devamında aytılğam ifade ve tanımalar qıynavlar sebebinden senledirilgenini aytalar.

İyün 16 künü Ukraina Adliye nazirligi, Moskvağa muracaat etip, Rusiyede apis etilden ukrainli Nikolay Karpükni teslim etmege talap etti.

Klih ve Karpükke berilgen ceza qararına itiraz Rusiye Yüksek mahkemesinde oktâbr 26 künü baqılacaq.

XS
SM
MD
LG